شجرہ
حضرات نقشبندیہ مجددیہ رحم اللہ تعالی
بسم اللہ الرحمٰن الرحیم
یا رب اپنی پاک کبریا کے واسطے اور جناب حضرت خیر الورٰی کے واسطے
ذکرو فکر و ذوق و شوق اپنا عطا کر دے ہمیں در
پے آئے ہیں تیرے ہم التجا کے واسطے
بخش دے ہم کو مقام صدق اے مولا کریم حضرت صدیق اکبر پر ضیاء کے واسطے
نور عرفان سے ہمارے جان و دل معمور کر خواجہ سلمان فارس باصفا کے واسطے
ہو زبان پر ذکر تیرا اور دل میں ہو
حضور حضرت قاسم امام اتقیاء کے واسطے
تو ہی تو آئے نظر میں جس طرف اٹھے نگاہ
جعفر صادق شہہ صدق و صفا کے واسطے
الفت دنیا ئے دوں سے دے ہمیں یا رب نجات
با یزید نامدار و خوش ادا کے واسطے
خرقہ درویشی کا ہو یا رب ہمارا زیب تن بوالحسن خرقانی فرخ لقا کے واسطے
نفس و شیطاں کے فریبوں سے ہمیں محفوظ
رکھ بو علی فاریمدی پیشوا کے واسطے
صبرے یعقوبی کے صدقے تخت رفعت کر عطا
یوسف ہمدانی بحر سخا کے واسطے
بحر غم سے میرے کشتی کو کنارے پہ لگا
عبد خالق غجدوانی راہنما کے واسطے
دولت عرفان سے یا رب ہم کو مالا مال کر
خواجہ عارف حقیقت آشنا کے واسطے
اپنی اطاعت میں ہمیں شان ایازی کر عطا
خواجہ محمود مرد با صفا کے واسطے
ساتھ شان فقر کے دے زور بازو بھی ہمیں
شاہ علی رامتینی صاحب حیا کے واسطے
اتباع سنت خیر الوریٰ میں دے کمال حضرت بابا سماسی پارسا کے واسطے
منکشف وہ سر وحدت مجھ پہ اے مولا کریم
خواجہ میر کلال خوش لقا کے واسطے
نقش ہو دل پر میرے نام مقدس آپ کا نقشبند پادشاہ مشکلکشاء کے واسطے
روح کی پرواز وہ علیٰ مقاموں کی طرف شاہ علائوالدین شیخ اتقیا کے واسطے
یوسف مقصود سے دائم رہیں ہم ہمکنار حضرت
یعقوب چرخی با خدا کے واسطے
قید نفس سرکش و سر تاب سے آزاد کر خواجہ
احرار تاج اولیاء کے واسطے
زہد اور تقویٰ سے اور صبر و رضا سے کام ہو خواجہ زاہد محمد مقتدیٰ کے واسطے
اپنے ذوق و شوق سے سینہ میرا معمور کر
خواجہ امکنگی مرد رضا کے واسطے
ہم کو حاصل وہ شہا درجہ بقا بااللہ کا
شیخ باقی با اللہ شیخ اولیاء کے واسطے
ہو ہمیشہ ہم کو تیرے در کی درویشی نصیب
شیخ درویش محمد مقتدیٰ کے واسطے
تابع سنت رہوں جب تک بدن میں جان ہے شیخ
سرہندی مجدد راہنما کے واسطے
ہر خطا سے اے خدا معصوم اور محفوظ رکھ
خواجہ معصوم شاہ حق نما کے واسطے
یا الٰہی وقت رحلت خاتمہ بالخیر ہو حجۃ
اللہ صاحب جود و عطا کے واسطے
حاسدان دین و دنیا کی شرارت سے بچا حضرت
خواجہ زبیر راہنما کے واسطے
کر مشرف عاجزوں کو اے خدا ہر شرف سے
حضرت اشرف محمد پیشوا کے واسطے
ہو نظر میں ہر گھڑی تیرا جمال اےذولجلال
شاہ جمال اللہ ولی پارسا کے واسطے
قم بااذن اللہ" سے ہم مردہ
دلوں کو زندہ کر خواجہ عیسٰی ولی بے ریا کے واسطے
ظاہر و باطن کی برکت سے ہمیں کر فیض یاب
شیخ فیض اللہ جناب باصفا کے واسطے
یاالٰہی دل ہمارے نور سے پر نور کر حضرت
نور محمد حق نما کے واسطے
ہم فقیروں پر بھی ہوجائے نگاہ مرحمت اس
محمد کے فقیر خوشنما کے واسطے
کر مکرم ہم کو بھی اپنے کرم سے اے کریم
حافظ عبدالکریم خوش لقا کے واسطے
دور کر دے ظاہر و باطن کی سب بیماریاں
خادم حضرت علی مرتضیٰ کے واسطے
میرے ہادی نام نامی جن کا عبدلحئی ہے کر
منور جان و دل اس پر وفا کے واسطے
تا ابد قائم رہے خادمی چشمے کا فیض در
کھلا ہر دم رہے شاہ و گدا کو واسطے
نقشبندی ، قادری اور سہروردی کے لئے اور
سب حضرات عالی چشتیہ کے واسطے
یا الہی رحم فرما سب بزرگوں کے طفیل
ہاتھ پھیلاتا ہوں عرض مدعا کے واسطے